Sazuk kap-a, a sa sumdawnna atana hmang ni-a puh mi 4- te chu vawiin khan Champhai District Jail-ah dah luh an ni.
Kumin 2024, February ni 13 khan Aiduzawl peng, Ngopa panna kawngah Khawzawl District Wildlife Division hnuaia Wildlife Guard duty-te chuan Aizawl pan lur lirthei pakhat an endik tangin Sazuk sa fun 21, Kg 26 leh Gram 6-a rit an hmu chhuak a, Khawzawl Wildlife Division DFO leh Chamhai DFO Pu Lalduhthlana chuan Champhai District Court-ah thubuai a thlen a, vawiin khan ramsa kapa puh mi 4, Lalngilneia leh Zohmignthanga Rabung khua ve ve leh Hmangaihzama leh Lalpianmawia Rabung khua ve ve te hu Champhai District court-a Chief Judicial Magistrate hmaah an inlan a, Champhai District Jail-ah dah luh nghal an ni.
Sazuk hi danin a humhalh Wild Life (Protection) Amendment, 2022 hnuaiah Schedule-I ah dah a ni a, a tihlum emaw, a sa zuar emaw chu Kum 3 aia tlem lo lungin tan leh kum 7 sarih thleng Lungin tang tura hrem theih a nih bakah Rs.25,000/- aia tlem lo chawi tura hrem theih a ni.