K Sapdanga, Home Minister chuan vawiin khan Saitual District a tlawh a, Home Minister Pu K Sapdanga chuan thu sawiin Minister a nih atang in official a district a tlawh hmasak ber Saitual District a ni chu lawmawm a tih thu a sawi a. Saitual mipuite chibai bukin, sawrkar chu mipui huap leh an zavai a sawrkar a ni tih hre nawn turin a chah a ni.
Pu K Sapdanga chuan ram ralmuang leh ram tha siam nan rem hriatna leh tha leh zung sen ho na tur a tam hle tih sawiin lungrual taka thawk turin kalkhawmte chu a sawm a. Saitual, khawzawl leh Champhai tlangdung chu International Boundary, ruihhlo veivahna kalkawng anih avangin Sawrkar, khawtlang hruaitu leh NGO te tan ho angai takzet a ni, a ti a. Kawng engkimah dan chu dan a kal a ngaih thu sawiin, dan kengkawhtu te pawh theihtawp an chhuah tur thu a sawi. Home Minister chuan Mizoram chu an tu leh fa lo awm leh zel turte tan chenfakawm a nih theih nan tan rualpui ah a sawm.