Social Welfare Minister Lalrinpuii chuan Mitthi ruang phurhna tur inkaihhruaina duan mek a nih thu sawiin Revise Estimate atan Cheng Vaibelchhe 1 leh Budget Estimate 2024-2025 ah cheng Vaibelchhe 5 dah a nih thu House a hrilh
Vawiina Assembly Session-a Leader of Opposition Lalchhandama Ralte-in ruang phurh chungchanga Sorkarin mawh a lak tura hmalak tawh chin a zawhna chhangin Social Welfare changtu Minister Lalrinpuii chuan Sorkarin ruang phurh inkaihhruaina dan a duang mek thu sawiin ngaihtuahna tam tak sen ngai thil a nih avangin he thil hi cabinet Meeting agenda-ah pawh chhawp chhuah tum a nih thu sawi a; ruang phurhna tur hian Dept-in budget proposal-ah Revise Estimate atan Cheng Vaibelchhe 1 an dah thu leh Budget Estimate 2024-2025 ah cheng Vaibelchhe 5 dah niin an thehlut tawh niin a sawi bawk.
Lalchhandama Ralte-in lirthei hman dan tur chungchanga a zawh belhna chu Lalrinpuii chuan lirthei hmanna man chu KM wise-a siam tum a ni a, an thihna hmun atanga an chenna in thlenpui tum a nih thu sawiin Phai lama thi te erawh chuan ruahmannain a huam loh thu a sawi bawk.