Myanmar buaina avanga Mizorama raltlan mi 4-in nimin khan Siaha Auto Rickshaw Driver KL Joasa an that.
Raltan mi 4-te hian Nizan khan Auto Rickshaw hi Siaha atang Lawngtlaiah an hmang a, Lawngtlai atang hian nizan dar 7:00 vel kan Siaha panin an let leh ni-a hriat a ni a, nizan dar 9;00 vel atang hian Rickhsaw khalhtu Joasa hi a chhungte’n an be pawp thei lo a, tukin dar 10:00 vel khan Siaha dai, Council Vety Firm bulah Auto Rickshaw hi hmuh a ni.
CCN thu laknain a sawi danin Siaha Police-te chuan Auto Rickshaw hmangtute mi 4-te hi an man a, an zinga pakhat chu a tlan chhuak a, mi thuamte hi thu an zawhfiah hnuah Joasa hi an that tih Police-te hmaah hian an inpuang tawh a, an zinga pakhat hi Joasa ruang an dahna hmun khawhmuh tura hruai an tum laiin mipui lamin tualthattua puhte hi hmuh an duh avangin chanchin buatsaih lai thleng hian ruang an dahna hmun hi an la panpui thei lo a, ruang hi Tuipui Ferry velah an dah ni-a hriat a ni.