2nd Division Club-te tana buatsaih Republic Day Football Tournament chu vawiin khan Chhangphut Field-ah khelh tan a ni.
Vawiin-ah Match 4 awmin inkhel hmasa berah Kahrawtin SMFC Khuangleng 6-1 in an hneh a, Kahrawt tan Hmingchungnunga’n goal 2 khungin Chhanrinpianga, PC Lalruatsanga, Lalfamkima, Ramdinmawia te’n goal 1 theuh an khung ve bawk a, Khuangleng goal awm chhun hi Vanlalawia khung a ni.
Inkhel vawihnihnaah Mualkawiin 2-1 in Mualveng an hneh a, Mualkawi tan Malsawmdawngkima leh PC Hmangaidawngzela te’n goal 1 ve ve an khung a, Mualveng tan Laldintluanga’n goal khat a khung ve bawk.
Zotlangin si 4 faiin Hmunhmeltha an hneh a, Zotlang tan Isak VL Ruatkima’n goal 2 khungin Lalmuansanga’n goal khat a khung a, Hmunhmeltha player Malsawmdawngzela’n an lamah a ti lut palh bawk.
Inkhel hnuhnung berah Vengsang FC-in 6-1 in Ruantlang an hneh a, Vengsang tan Rfa’n goal 4 khuning Sangdinga leh Elvis-a te’n goal 1 ve ve an khung bawk.
Naktukah Match 4 khelh a ni dawn a, Dar 10:00 ah Zion Veng FC leh Venglai FC, Dar 11:40-ah Tlangsam FC leh Tuipui FC, Dar 1:20-ah Electric FC leh Chhungte FC, Dar 3:00-ah FC Vengthlang North leh Bethel FC an inkhel dawn a ni.
January ni 18 atangin Ist Div Club-te inelna CDFA Cup khelh a ni dawn bawk .