Champhai District Police leh Assam Rifles tangkawpin hmun thumah ruihhlo thahnem tak an man.
Nimin khan Zokhawthar Police leh Assam Rifles tangkawpte chuan Zokhawtharah Jt operation an nei a, Zokhawthar leh Melbuk inkar Vawmkaw-Luiah Lalpekthanga, Thahan Myanmar ni-a insawi hnen atangin Heroin Hawng 100, Kh 1 leh gram 76 an man a, Lalpekthanga hian Zokhawthar helin Heroin-in a ko-in a pu a, Vawmkaw-Luiah hian man a ni. March ni 4 khan Zokhawthar Police leh Assam Rifles tangkawpte hian Zokhawthar khawchhunah Lalchhuma leh Laltlansangi, Zokhawthar ni-a insawi ve ve te hnen atangin Heroin hawng 5 an man bawk.
Nimin vek khan Hnahlan Police leh Assam Rifles tangkawpte chuan Hnahlan khuaah TK Khupa, Champhai Dinthar veng hnen atangin Methaphetamine mum 7500, cheng Vbch 2.25 hu an man bawk a ni.
Ruihhlo neitua puhte hi ND&PS Act tlawhchhana thubuai siamsak an ni a, India khua leh tui ni lo hi Foreigner Act tlawhchhana thubuai siamsak a ni bawk a; Court-a hruai an nih hnuah Lung inah dah luh vek an ni.