Vawiina Assembly House-a Siaha Bialtu MLA Dr. K Beichhua zawhna chhangin Home Minister K Sapdanga chuan Police hnaruak 4268 a awm mek thu sawiin post ruak te hi hnawhkhat tura inbuatsaih mek a ni a, sum dinhmunin a tlin loh avangin a vaiin tum khah vek sen rual a ni lo a, a vawikhatnaah eng zat chiah nge hnawhkhah a nih ang tih chu an ngaihtuah mek niin a sawi a; zawh belhna a chhannaah dept kalphung angin hnawhkhah tum a nih thu a sawi bawk.
Home Minister hian Police Out Post leh Police station-ah duhkhawp lirthei an neih loh chu theihtawpin sorkarin hma a lak mek thu sawiin a hlui siam that emaw a thara thlak emaw beisei a ni a, lirtheih an indaih deuh beisei a nih thu a sawi bawk.
Home Minister hian Lalchhuanhanga zawhna chhangin Sorkar tharah dan lova kuhva tawlhruk bag 2868 man a nih tawh thu House a hrilh a, kuhva tawlh ruk man te chu kawl that niin a mawhphurhtute chu hren mek an ni a, an thubuai ngaihtuah mek a nih thu a sawi bawk.