Rih atanga Maipawl thudawnnain a sawi danin nimin khan Khawmawiah hri kai mi 6 hmuhchhuah a ni a, vawiinah Test chhunzawm lehah Khawmawiah hri kai mi 13 leh Rih-ah hri kai mi 1 hmuhchhuah belh leh a ni a; hri kai hmuhchhuah zinga natna langchhuak mi 2 te chu Rih damdawi ina hri kaite enkawlna tur bika duan Ward-ah dah luh nghal niin mi dang 18 te chu Quarantine Centre la peihfel loh a nih avangin In lamah khunghran an ni bawk.
Ni 2 chhung hian RDP test kit hmangin sample 106 endik a ni a, sample endik atanga chhutin hri kai hmuhchhuah zat hi 18.86% a ni. Tunlai hian Chin State lamah hri kai an pung nasa hle niin sawi a ni a, Hualngo Land Development Organisation chuan Test Kit hi an tumsak dawn tih Khawmawi Thalai Pawl hruaitute chuan Maipawl an hrilh bawk.