Chief Minister Lalduhom’n Ni 100 chhunga thawh tura an ruahmante tha takin an zo fel thei niin a sawi.
Vawiin khan Serchhip New Venglai YMA Hall-ah ZPM Serchhip Block Political traning an neihnaah Chief Minister Lalduhoma chuan, Mizoram politics ah Pathian ram a thleng chho mek ni-a sawiin ZPM a sawrkar veleh khan zoram mipui lawmin an auva, mipuite chu an ti beidawng ve a thiang lo niin a sawi a. An Sorkar hma atang khan rorelna an chan huna an kal dan tur ruahmana fel tak an siama, chu ruahmanna ang chuan vawiin thlengin an la kal tih sawiin Ni 100 chhunga thawh tura an ruahmante pawh Pathian hruainain tha takin an zo fel thei a niin a sawi a. An that bik vang leh an fel bik vang ni ngawt lovin thil tha lo ni a langte an ti lova, thil tha ni-a an hriatte chu an tih mai thin vang niin a sawi bawk.
Lalduhoma chuan ZPM party chu ruling party lo ni tawh rau rau ah an danglam bik hle tih sawiin a tha zawnga Mizorama Social Reform thlen chhoh mektu leh puipunna leh party thil tihkhawmna ah zu leh ruihtheihthil ngaisang lo tu an ni chu lawmawm a tih thu a sawi a, MP inthlan lo awm turah ZPM party hruaitu te’ n lungrual taka an rawn chhawp chhuah Candidate Pu Richard Vanlalhmangaiha chu vote tling ngei turin mipuite a sawm a ni.