National Highway No. 6 Melbuk leh Zokhawthar inkar SASCI sum hmanga thawm that mek chu tukin khan PWD E-in-C, Er. Lalrinkima’n a tlawh.
National Highway No. 6, Champhai Khankawn leh Zokhawthar inkar kawng hi siam hna hi World Bank sum Cheng Vaibelchhe 138 senga M/s Tarmat Construction Company-in an thawh a ni a, Kum 2021 June thla khan zo felin an chhuah san a, an chhuahsan atanga thla khat pawh a liam hmain Melbuk leh Zokhawthar inkar chu lirthei tlan tlang theih lohin leiminin a hnawh bakah Dil Lui leh Vawmkawluia Box culvert chu a chim bawk a, he lai kawng thawm that hna hi SASCI sum Cheng Vaibelchhe 13 hmangin PWD hnuaiah Contranctor-in a thawk mek a, tukin khan PWD E-in-C, Er. Lalrinkima hoin PWD hotute leh khawtlang hruaitute chuan a hmunah kalin hnathawh dante an enfiah a, Vawmkawluia Box Culvert chu a thara siam dan turte a hmunah hian sawiho niin E-in-C chuan hnathawktute chu hna tha leh tlo, hun rei tak daih tura thawk turin a chah a ni. Kawng thawm that hna hi Nikum July thla tir atanga thawhtan niin tun dinhmunah za zelah 30 vel chu thawh zawh tawh a ni.