Mizo Zirlai Pawl (MZP) General Headquarters, Aizawl chuan, Mizoram Board of School Education (MBSE) hnuaia HSLC exam neih mek a Social Science leh Subject danga question chungchang sawi hlawh tak mai awm chu pawi a tiin a ngai thutak hle a. A ṭul anga enzuia hmalak a tum thu an sawi.
HSLC exam a Social Studies (SS) subject leh subject danga question pattern felhlel awm leh question hre lawk an awm anga sawi tur a awm chu MZP chuan tha a tilo takzet a. Zirlai naupang rilru thianghlimte’n zirna kawnga inelna thianghlim an neih mek lai a, an rilru tihnual thei hetiang thil thleng hi chhui chhuaka, hmala vat turin MZP chuan MBSE hotute a ngen a ni.
MZP chuan, HSLC exam mek zirlai tam zawkte rilru hnualna chu a rang thei ang bera chingfel a, a tul anga hmala vat tur leh MBSE zahawmna humhim zel turin MBSE thuneitute a ngen bawk a, MZP chuan a tul angin zirlaite thlavang a hauh zel dawn a, MBSE hmalakna ngun takin a enzui zel dawn niin MZP chuan an sawi.