MZP Gen Hqrs chuan tun hnaia Champhai District-a zirlai vawi tam tak pawngsualtua puh Saitawna leh a fapa Vanlalmawia te chu an phu ang tawk hremna pe turin thuneitute an ngen
Mizo Zirlai Pawl (MZP) General Headquarters, Aizawl Executive Committee meeting vawi 630-na chu vawiin chhun dar 12 khan MZP Conference Hall-ah neih a ni a, Meeting hi MZP President Pu H Lalthianghlima’n kaihruaiin Chanchinthara lo lang Champhai District-a an zirlaipui vawi tam tak pawngsual a ni chu lungchhiatthlak an ti hle a, Pawi khawihtu nia puh; Saitawna leh a fapa Vanlalmawia te chu an phu ang tawk hremna pe turin thuneitute a ngen a, Hetiang thil duhawm lo tak hun rei tak chhung hriatchhuah loh, hai chhuaktu an zirtirtunu chu MZP chuan a chhuang takzet a. Hetiang thil hi thleng nawn tawh lo se MZP chuan a duh an sawi a ni.
Meeting chuan, MZP inkhawmpui lian Assembly 2024 thlen dilna lut hrang hrang a ngaihtuah a, kumin 2024 MZP Assembly thleng turin MZP Headquarters Champhai hnuai MZP Branch Tlangsam a thlang a ni.
Meeting chuan, MZP Federal Council Sitting-in a lo rel tawh hrang hrangte bawhzui dan tur ngaihtuahin ruahmanna an siam a ni.