Nimin khan MZP Headquarters Champhai chuan Vai kutdawh lem an man.
MZP Hqrs Champhai thuchhuahin a tarlan danin MZP Dilkawn Branch te chuan an khaw chhungah Vai kutdawh hi lo hmuin khaw danga vai kutdawh an lo man tawh te nen Certificate an ken a inang tiin MZP Hqrs Champhai hnenah an report a.
Champhai Hqrs hruaitute chu Dilkawn lamah tlan phei nghalin MZP Dilkawn Branch te nen vai kutdawh hi a document neih ang te ensak a ni a. Kutdawh hian ILP pawh nei lovin document lem, pawisa an dilna chiah a lo nei a. Document lem hmanga kutdawh a ni ngei nia hriain Champhai Police te hnenah an hlan chhawng nghal a ni.
Tun hnaiah Vai kutdawh Document lem hmanga Mizoram a pawisa rawn khawn an awm zeuh zeuh hi MZP Hrqs Champhai chuan pawi a tih thu an sawi a. Mipui te pawh in hetiang hi an lo hmu fuh a nih chuan a rang lama thuneitute kut a hlan turin turin an nghe a. Tuna vai kutdawh leh an man tak hian Mualkawi leh Zokhawthar lamah te pawisa hi a lo khawn nual hman niin an sawi bawk.