HMEICHHIA
Diakkawn 3-0 Durtlang
Vawiin hmeichhe inkhelah Diakkawnin set hloh nei loin Durtlang an hneh a, Diakkawn hian set 1-na 25-18 in an la nghal a, Set hnihnaah pawh Diakkawnin harsatna an tawk lo a, 25-14 in awlsam takin an la chhunzawm leh a, Set 3-naah Durtlang lam rawn tang viau mah se, Diakkawn bawk dingchang lehin 25-20 a set la-in set hloh nei loin hnehna an chang a ni.
MIPA
Hunthar 3-1 Durtang North
An player langsar te’n chhuahsan deuh vek mah se, Durtlang North-in bul an țan tha zawk a, Set 1-na 25-20 in an la nghal. Set 2-na atangin player tawnhriat ngah zawk Hunthar an insiam rem a, 25-19 in set an la a, Set 3-na inkhel hnehtawk takah 24-24 a nih hnuah Huntharin vanneihna changin 26-24 in set an la hram a. Set 4-naah pawh team pahnihte inbei tawk viau mah se, Hunthar dingchang zawkah tangin 25-23 a set la chhunzawmin hnehna an chang ta a ni.
TNT 3-0 Hlimen
Pro league Champion lai TNT in pro club thar Hlimen lakah harsatna an tawk lo. TNT hian an player hmanrim pahnihin telpui lo mah se, Hlimen lakah an thatzia an la lantir zel a, 25-12, 25-15, 25-14 a set la zawnin set hloh nei loin hnehna an chang a ni.