Lok Sabha inthlan vuakvetah Champhai District-a Enforcement Agency-te’n ruihhlo leh dan phal loh thil Chen Vaibelchhe 7 chuang hu an man tawh
MP Lok sabha inthlan vuakvetah Champhai Police-te chuan ruihhlo leh dan loa tawlh ruk thil chi hrang hrangte beihpui thlakin an dap a, vawiin tlai thleng khan Champhai Police-te chu Heroin Kg 16 leh Gram 63 -Cheng Nuai 48 hu, Methaphetamine Kg 28 leh Gram 209 – Cheng Vaibelchhe 3.66 hu, Ganja Kg 22 leh Gram 500 – Cheng Nuai 1 leh Sing 1 hu an man a.
Rakzu litre 425, Myanmar zu BEDC litre 70, Beer Can 1308 leh Korean zu Soju um 200 (litre 360) an man bawk a, Silai 6 leh a mu – cheng Nuai 6 leh Sing 5 hu an man bawk a ni.
Inthlan puan a nih atanga vawiin tlai thlengin Excise & Narcotics Dept Champhai chuan Heroin Kg 4 leh Gram 95 – cheng 1,22,85,390 hu leh Methamphetamine Kg 10 leh Gram 100 cheng 1,31,30,000 hu an man bawk a ni.