MNF President Zoramthanga chuan Nimin lawkah Manipur Minister leh MLA-ten amah an hmuh thu sawiin, Naga lam be tura an ngen thu te, Naga chu MNF hnunga kal thin zawk an ni tih hrilhin, Manipur dinhmun dik tak chu India sorkar hnenah theihtawpa thlen reng a pawimawh thu a lo hrilh a, political advice tha tak pek an pawimawh hle thu a sawi.
MNF President chuan Europe ram, Asia khawmualpui leh India ram khawpuiah pawh Aizawl anga Pathian ni tuka inkhawm kawng zawh mup mup thin khawpui dang an awm ve loh thu sawiin, “Zoram hi Lalpa’n hmanruaah a hmang ang tih ring ngam ang u. Kan lamah Lalpa tang lo ta se, kum 60 chuang MNF hi a kal lo ang, Pathian kan lamah atang a, Pathianin MNF meichher a chhittir hi a hun taka hmang turin Lalpa’n min ti a ni,” a ti.
Zoramthanga chuan MNF-in hnam nationalism atana pawimawh ber an kalpui mek thu sawiin a autobiography bu hnihna’ a ziak mek a, inthlan hma khan a release hman ta lo a, Hun remchang hmasaah release a tum thu a sawi bawk.