Hualngoram Police-in Mizorama tawlh luh tur Heroin tam tham tak leh a neitu leh a supply-tu an man.
Nizan dar 10:0 vel khan Hualngoram Police-te hian Mizorama tawlh luh tur Heroin hawng 228 chu Rihkhawdarah Zung\iali leh Lalrami, Myanmar-a Sekan khua ve ve ni-a insawi tuna Rihkhawdar ward 2-a khawsate hnen atangin an man a, Heroin bakah hian ruihhlo zawrhna atana an hman mobile phone 6 leh sumfai cheng 4,33,00 an mansak bawk a ni.
Hualngoram Sipai leh Police-te chuan ruihhlo tawlh ruknaa inhnamhnawih dang an chhui zuinaah Damdawi supply thintu Lalsailoa leh lirtheia Tahan atanga rawn phur thlatu Agape Thanga Sekan khua ni-a insawi te chu nizan khan an man bawk a ni.
Ruihhlo tawlh tawlhruttute hi Hualngoram Judiciary Board chuan an chungchang a ngaihtuah dawn a ni.
Chin state-a awm, Mizoram ramri hnai mai Hualngoram chhungah hian mipuiin sokarna an kalpui mek a, Hualngoram Organisation chuan rorelna an kalpui a, Zofate do ral lian ber ruihhlo Mizoram lama tawlh luh tur chu dang chat turin nasa leh zuala thawh an tum thu an sawi a, ruihhlo do kawnga thawhpui turin mipuite an sawm bawk a ni.