MNF chuan thuchhuah siamin Assembly Budget Session meih mek ni 11 March, 2024 a Chief Minister zahawm takin Police huaisen tak tak, thih huama Assam Police pawh kap ngam tute hmusit taka ‘kut vung ber bur leh ke vung ber bur’ anga a chhuah mai te, rintlak awm lo ang maia pasalthate a chhuah mai chu MNF chuan pawi an tih thu sawiin Chief Minister thusawi chu Mizoram Police-te hmuhsitna leh a changtu Minister ngei pawh a dahhniamnaah MNF chuan a ngai tih an sawi a; An thatna lam hmuhpui lova, an zinga mi tlemte te dinhmun an zavaia dinhmun ang maia Mizoram rorelna sang bera a sawi chhuak duh chu pawi an tih thu sawiin police zawng zawng deuh thawte chu ram tana nun hlan ngam an ni tih leh an hotute thupek anga huaisen em em thin te an ni tih MNF ngaihdan a nih thu an sawi bawk.
MNF chuan Hetianga hnam dangte pawhin an zuam theihna tura Police te a chhuan chhe zawng a sawi chu pawi an tih thu sawiin Hetiang thu hi sawi nawn tawh lo turin Chief Minister chu MNF chuan an ngen a ni.