Nizan khan Champhai Circuit House kawta lirthei chetsualnaah mi pakhatin nunna a chan.
Champhai Police atanga thudawn danin nunna chan ta Lalmalsawma (39), Tuikhuahtlang hi a thianpa car khalh hnung lamah a chuang a. Pawnah chhuakin hnung lama a awm chu a thianpa hian a awm tih hre lovin lirthei a hun thatna lamah a su palh a. Damdawi in panpui ni mah se a hliam tuar lovin a thi a. Lalmalsawma ruang hi vawiin khan Champhai atangin Aizawl lam panpui nghal a ni.
Tun hnaiah Champhai leh a chhehvel, Champhai Police Station huam chhungah lirthei accident a thleng hnem hle a. Kumthar-a case 5 an ziahluh tawh zinga case 3 chu lirthei chetsualna niin, mi paliin nunna an chan a ni.