Nimin Pathianni chhun dar 12:30 vel khan TT Road, Champhai Vengsangah Motor chhungah hmeichhe ruang chhar a ni a, Champhai Police te chuan hmeichhe ruang chhar a nih thu an hriat veleh a tul ang ang te bawhzuiin a hmun an thleng nghal a, ruang hi Chingsianpianzoi, kum 25, Lalrohlua nupui, Champhai Vengsang tih hriatchhuah a ni.
Champhai Police hnen atanga thudawn danin, Chingsianpianzoi taksaah hliam hnuhma emaw kut inthlakna hnuhma hmuh a ni lo.
Chingsianpianzoi ruang hi Champhai District Hospital-ah Posmortem niin vawiin khan Vengsang thlanmual ah vuiliam a ni.