August 9, 2024 : Siaha atanga Maipawl thu dawn danin vawiin khan Siaha-a Nursing School building sak mek, tun thlenga hawn theih lohva awm mek chu mi thahnem ngaite’n a hmunah tlawhin an enfiah a. He building hi District Hospital – Siahathlah (via AR ) kawngpui an-a awm a ni. Building hi Centrally Sponsored Scheme niin, Ministry of Health and Family Welfare Govt of India atangah sak a ni.
He building hi kum 2012 atang khan sak tan niin; kum 2014- a sak zawh tura ruahman a ni laiin Vawiin thlengin hawn thei a la ni lo.
RTI zawhna chhana atanga alan danah chuan he Building satu (Contractor) hi Pu Lalparmawia, Chanmari Aizawl a ni a, Mizoram First Class Contractor niin registration no chu: 34/E-in-C-1/2022 a ni. A sak hna thawktu erawh chu Pu K. Beisa Siaha Vaihpi a ni thung. (Pu Beisa hian Pu Lalparmawia hming a hawh a ni.) Ni 24-08-2012 atanga sak tan tur niin, 24-08-2014 ral hmaa zawh tur a ni laiin, hnathawktu hian hun tiam chhunga a zawh theih loh avangin thlah sawmpahnih-12, ni 26-08-2015-chhung hun pawtseih sak leh a ni.
Revised estimated chungchangah zawhna chhangin : Contractor hian Price escalation avangin amount revised a dil a, contract agreement an lo neih-ah revision phal anih si loh avangin revised a ni lo a, huntiam chhunga sak zawh loh anih avangin Department-ah hand over a la ni lo a ni.
He building sak nan pawisa (Amount) sanctioned zat RTI zawhna chhanna ah chuan pek zawh vek tawh a ni a, Rs 310,68,885.00 a ni a, Ni 17-02-2016 ah pek chhuah vek tawh ani.
Tun thlenga hawn theih a nih lo chhan zawhna chhangin Pu Beisa chuan, thil man ato chho zel a, hei vang hian pawisa adaih loh hle a, department ah Schedule of Rates (SOR) dil bel ani a, tun thlengin an la pe chhuak thei loh a, he adil belhna hi department lam hian an pechhuak thei chuan renovated tur tlem awm pawh hi hun reilotea zawh nghal thei dawn thu leh hawn theih thuai a beiseih thu a sawi bawk a ni.
Mara ram mipui leh Siaha District mipui ten zirna tha an neih thei nan tia an lo suangtuah thin leh nghahhlelh em em Nursing School kum sawmpahnih-12 lai mai sak zawh loh leh hawn theih loh a ni ta mai chu district mite tan chuan thil lungchhiatthlak tak a ni a, an rilru a na takzet tih Maipawl thu dawnna chuan a sawi a. “Kan sawrkar chak tak hian a rang lamin hma min lak sak se kan duh tak zet a, hrem ngai an awm a ni chuan hremna na tak pek nise, Nursing School hi hawn a ni vat thei nan hma min laksak turin kan duh hle a ni” an ti.