MNF Lawngtlai West thuchhuaha tarlan a nih danin Vathuampui Kudamah tun dinhmunah Buhfai bag sarih (7) chiah a awm a, he kudam hi Lawngtlai west bial chhunga khaw 14 vel zet chawmtu a ni.
MNF Lawngtlai West chuan khaw 14 zet te’n buhfai bag 7 hi engtin chiah nge sawrkar thar hian a sem dawn an la hre lo a, kalphung thar sawrkarah hian mipuiin ration Buhfai an lak laklawh laia buhfai zo laklawh fo te, karkhat dawn te nghah leh hrih ngai ten an awm fo tih an sawi a, Ration buhfai chung changah harsatna hrang hrang enchhin sawrkar thar hnuaiah hriat tur a awm ta fo mai a, hmun hla zawka awm khua tam tak te chu furpui lo thleng tur nen thlamuang takin mipui an awm thei ta meuh lo niin an sawi bawk.
MNF Lawngtlai West chuan Khawvel ram zawng zawng, Mizoram thleng pawh a harsatna na men lo covid 19 an tawh lai te, Assam nen ramri buai a vanga kawngpui Assam te’n hun rei tak an dan pin lai pawh khan, kha tih hun laia supply minister Pu K Lalrinliana’n Zoram mipuite thlaphang miah lo a, hnianghnar taka ration buhfai a hlui reng thei mai te kha mipui te hian an ngai thin hle niin an sawi a, “enchhin sawrkar hian Vathuampui kudam centre-ah mipui eitur buhfai dah vat turin an phut a, sawrkar hian a leina a nei lo a nih pawhin, mipui bum nana thlai thar leina tur tia cheng vbc 110 zet, MNF sawrkarin SEDP sum a hnut chhiah atang kan D.A.H an tih, nimahsela kut hnathawktu te tana chengkhat pawh hman an phal leh si loh hmang khan Vathuampui buhfai tur hi lei ni rawh se.” an ti.
“Vathuampui leh a chheh vel Mipui te ration buhfai khul tur nei lova min siam a nih chuan, a tul ang zelin mipui tan, mipui thlavang hi kan hauh zel dawn a ni.” MNF Lawngtlai West chuan an ti bawk