Keitum Branvch YMA chuan an Branch huamchhunga hmeithai pakhat In chu a chhiat tawh avangin an sak that sak a; In sakna chak tur hi khawtlanga mi tlawmngaite’n thawh khawmin, In chung tur Rangva hi Hrangturzo AC Bialtu MLA Lalmuanpuia Punte-in tum sak in, a bang tur hi Keitum VC-te’n an tum sak bakah Keituma Custom Departmentte’n hnatlangte chhun thingpui inna tur an tum sak ve bawk a ni.
In sak hna hi Keitum Branch YMA hnuaia Section YMA hrang hrangte’n in thawh chhawkin, tha 170 chuan sen a ni tawh a, tunkar hian In hi sak zawhfel hman beisei a ni.
Hmeithai in an sak-sak tak hi a fa naupang te te nen harsa taka khawsa ve mek an ni a, an In luahlai hi a awngrawp deuh tawh avangin Keitum Branch YMA-te hian tlawmngaiin an sak that sak ta a ni.
(Hmeithai hming hi nakinah a fate’n an en let pawha hrehawm an tih lohna turin thup a ni)