July 1, 2024:Tun thla ni 25-a Tiau luia tla Malsawmtluanga ruang chu nimin khan phawrhin post-mortem a ni.
Champhai Dinthar khawtlang hruaitute hnen atanga Maipawl thu dawn danin Pu Malsawmtluanga ruang hi an hmuh ni khan tlai lam a nih tawh avangin post-mortem turin doctor duty an awm tawh lo a. A nu Lallawmzuali chuan post mortem lova phum a remtih avangin hemi ni hian vui nghal a ni.
Champhai DC office-in Maipawl zawhna a chhan danin Lallawmzuali hian a fapa thih dan hi chiang zawk hriat a duh avangin Champhai DC hnenah a ruang endik leh turin a dil a. Champhai Bawrhsap James Lalrinchhana chuan CrPC section 176-na-in thuneihna a pek angin, a ruang hi endik phalna a pe a. Nimin Pathianni khan Malsawmtluanga ruang hi phawrh that leh niin, Champhai District Hospital-ah post-mortem a ni a. Nimin vek khan phum that lehnghal a ni.
Tarlan tawh angin Pu Malsawmtluanga hi tun thla ni 25 tlai khan Zokhawthar Balu Kai-ah chesualin a tla a, a ruang ni hnih zawn a nih