Hrilengin ziaawm lam a pan theih loh avangin Sorkar chuan inkharkhipna chu Dt 14.06.2021 thleng a kalpui chhunzawm dawn.
Mipui zingah inthlahdul a, eizawnna leh sumdawnna a pangngaiin kal ve tawh se an duh laiin vawiin khan Mizoram Kohhran Hruaitute Committee chuan Chief Minister Pu Zoramthanga an hmu a, hrileng hian ziaawm lam a la pan theih loh avangin inkharkhipna chu kalpui chhunzawm zel an duh tih an hrilh.
Thla khat chuang Mizorama inkharkhipna kalpui a nih tawh hnuah tun hnaiah hri kai zat chuan ziaawm lam a pan ta deuh a. Kar hmasaa endik atanga hri kai zat 7% aia a hniam loh laiin tun ni thum chhung chu a aia hniamah a awm tawh.
Inkharkhipna hi Mizoram pumah khauh taka kalpui tura tih ni mah se hri kai thar awm lohna District Capital leh khaw dangah chuan inkaihhruaina dul deuh zawk hman a ni tawh thung a. Nunphung pangngai erawh chuan Mizoram pumah a la kal lo thung.