June 25, 2024 :CDF Hualgoram Sipai, zalena sual avanga thi J Hmangaihthang ruang chu nimin June 24, 2024 khan Rih khuaah vuiliam a ni.
Tarlan tawh angin CDF Hualngoram hian Matupi-ah operation an nei a, he inkahnaah hian CDF Hualngoram Sipai J Hmangaihthanga kum 40 mi chu a thi a, a ruang hi June 24 tlai khan Rihkhawdar thlenpui niin lumen a nih hnuah nimin June 24, 2024 khan CDF Hualngoram sipai chawimawina famkim nen ropui taka vui liam a ni.
J Hmangaihthanga hi Volleyball khel thiam tak niin TNT Volleyball Club, Hunthar, Chhinga Veng leh Tuichangral tan te lo inlan tawhin Best setter-ah tum eng emaw zat thlan a ni tawh a, Mizoram Volleyball in elna sang ber Pro Volleyball league-ah pawh tum tam tak a lo inlan tawh a, Mizoram Volleybal Association pawhin sunna thu chhuah siamin an ui thu an tarlang a ni.
J Hmangaihthanga hi Mizoramah Volleyball khelin hun rei tak a awm tawh a, Myanmar tualchhung buaina a chhuah khan Myanmar ramah kirin zalenna sualtu pawl pakhat CDF Hualngoram hi a zawm ta a ni.