I-DAY CHAMPHAI TOURNAMENT
Independence Day Football Tournament chu vawiin khan Chhangphut Field-ah khelh tan a ni.
KAHRAWT 2-1 KANAN
Champhai District Football Association buatsaih Independence Day Football Tournament vawiin inkhel hmasa berah Kahrawt FC leh Kanan FC an inkhel a, goal an phurh hmasak hnuah Kahrawt FC hian 2-1 a lehthalin hnehna an chang a, Kanan FC hian Liansangkima hmangin min 35-naah an hmahruaina goal an khung a; Ist Half tawp dawn min 46-naah Lallawmtluanga hmangin Kahrawtin an siphurh an sut a. Second Half min 69-naah Lallawmtluanga bawkin Kahrawt chakna goal hi a khung a ni.
VENGTHAR 2-2 ZOKHAWTHAR
Inkhel vawihnihnaah Zokhawthar FC leh Vengthar FC an inkhel a, inkhelh tan atanga Min 22-naah Zokhawtharin C Vanlalpuia hmangin an goal khatna an khung a, Min 32-naah Zokhawthar goal 2-na Lalramhluna’n a khung zui leh bawk a, Ist half-ah goal dang a luh belh lo. Zokhawthar hi an chak mai dawn ni-a a lan hnuah Min 82-naah Lairobat-a’n Vengthar siphurh a sut then a, Min 89-naah Lalmuansanga’n Vengthar siphurh sut zo-in goal 2 ve ve thunin an inhneh tawk ta a ni.
Naktukah Match hnih khelh a ni ang a, Dar 12:45-ah Bethel FC leh Super United an inkhel ang a, dar 3:00-ah TMFC Melbuk leh Vengthlang FC-te an inkhel bawk ang.
Independence Day Football Tournament-ah hian team pariat an inlan thei a, Pool A-ah Kanan SC, Zokhawthar FC, Kahrawt SC leh Vengthar FC-te an awm a, Pool B-ah Bethel FC, TMFC Melbuk, Super United leh Vengthlang SC an awm a, Pool-a point hmu sang pahnihin Semfinal an lut dawn a ni.