Special Court, ND&PS Act, Champhai chuan Heroin hawng 21 neitua puh C. Lalengkima, Ruantlang, Champhai District chu thiamloh chantirin kum 10 Lung in tang tur leh cheng nuai 1 chawi turin a hrem
Kum 2020 August ni 13 khan Champhai Police leh CID (Special Branch) tangdunte chuan Champhai Ruantlang Farlui pengah C Lalengkima, Champhai Ruantlang ni-a insawi hnen atangin Heroin Hawng 21 an man a.
He thubuai hi Pu Liansangzuala, Speicial Judge, ND&PS Act. Champhai chuan ngaihtuahin thu hretu hrang hrangte finfiahna atangin Heroin neitua puh C Lalengkima hi ND&PS Act, Section 21 (c) thlawhchhanin thiam loh a chantir a, hrem a nih dan hi nimin khan Court chuan puangin Ukil leh Public Prosecutor-te thusawi ngaihthlak a nih hnuah Court chuan C Lalengkima hi kum 10 chhung Lung in tang tur leh Cheng nuai 1 chawi turin a chung thu a relsak a, a pawisa chawi tur hi a pe tla thei lo a nih chuan thla 6 dang Lung In a tan belh leh dawn a ni.