PWD Minister Vanlalhlana’n Aizawl to Vairengte kawng chu fur pui hmaa a theih ang ang chin siam tum a nih thu House a hrilh.
Vawiina Assembly House-ah Lalchhuanthanga chu dam lohna avanga a thut theih loh avangin a aiawhin W Chhuanawma’n a zawt a, PWD Minister Vanlalhlana chuan Aizawl to Vairengte kawng chu Ministry of Road Transport & Highways (MoRTH) ta niin a hnuaiah Mizoram PWD thawh niin House a hrilh a. Kawng chhia siam that a nih nan erawh chuan Mizoram sorkar in theihtawp a chhuah a, kawng chu siam that reng a ni a, fur hmaa a theih ang ang chin siamtir tum niin a sawi bawk.
PWD Minister chuan, Khawzawl kawng chhe lutuk leh a siam hna thawk tute’n an siam \ha lo chu tih vak ngaihna an hre lo a, bialtu MLA-in a chinfel mai theih a beisei niin a sawi a. Khamrang to Buichali chu November 16, 2021 khan NHIDCL hnenah hlan niin Mizoram PWD enkawl a nih laiin contractor in a thawk tha lo a, ban a ni a, security deposit cheng nuai 73 pawh hren sak niin kawng siam nan NHIDCL hnenah hlan niin a sawi a. Buichali leh Sairang inkar pawh NHIDCL kut niin Sairang to Aizawl chu Mizoram PWD kut a ni a, resurfacing turin MoRTH hnenah thehlut a ni tawh a, sanction nghak mek niin a sawi.
Vanlalhlana chuan, company te’n an mawhphurhna a zawh hma chuan a repair leh leimin senghawi an mawhphurhna a ni a, an ti \ha lo a, kawng siam laiin a chhe lai a awm a, chu chu an harsatna tawh a nih thu sawiin sum dapkhawmin department-in a buaipui mek a, Lung la khawmin furpuia kawng tlang loh an hlau a, rilru leh taksa inbuatsaih in furpuia lirthei dang thei tur sut an tum tan an la niin a sawi a. Mualkhang kawng pawh four lane-a laih turah engkim peih a ni a, forest clearance a la awm lo a, NHIDCL in contractor a thlang tawh a, \an theih thuai beisei an beisei niin a sawi.
PWD Minister Vanlalhlana’n Robert Romawia Royte, Hachhek bialtu MA zawhna chhangin kum 2018-a sorkar a tawpa sorkar thar a lo pian khan Mizoram PWD hnuaiah tender hmanga dan ang thlapa contractor thlan tawh hna pakhat cancel a nih thu House a hrilh a.
Zawhna neitu bakah Congress member C Ngunlianchunga, Lawngtlai West bialtu te zawh belhna te chhangin PWD Minister chuan, Zamuang Hriphaw kawng siam mek chu sum daih chin siam a ni a, Kolalian thleng siam tuira rawtna chu sum awmdana zira tih zel tum niin a sawi a. Kanhmun leh Damcherra inkalpawhna lei dawh \hat mekah mekah lirthei te kal theihna tur lei dawh a ni a, mipui harsatna chhawk thei turah beisei niin a sawi a. KMMTP kawnga chungchanga leimin awm te, company in Mizoram PWD-ah hlan tawh anga an sawi chu enfel a nih tur thu a sawi bawk.