Election Commission of India chuan inthlan vuakveta venhimna an kalpui that avangin Champhai District Police hnenah Award a hlan.
Mizoram Police thuchhuahin a tarlan danin Champhai District Police ten inthlan hunlaia venhimna an kalpui that avangin award for examplary electoral practice in security management an hlan a. Inthlanna ralmuang, felfai leh him neih theihna tura an hmalakna bakah vote thlakna hmun venhim uluk zual ngaite a awm chunga constituency hrang hranga vote thlaktu an pun theih avanga he chawimawina hi pek an ni.
Champhai hi Myanmar ramri bula awm a nih avangin Km 150 zeta thui ramri neiin Myanmar ram buaiah chona hrang hrang an hmachhawn a; Heti chung hian inthlan kaihhnawihah khan venhimna tha taka kalpuiin ramri hnaih khuaa mite tan nasa takin an thawk a. Inthlanna felfai nei thei tur hian ruihhlo leh zu, cheng vaibelchhe 12.5 hu vel an man bawk a ni.
Heng an hnathawhte hi hriatpuiin ECI chuan he chawimawina hi an hlan a, Award hi January ni 24 hian Champhai SP Pu Pu Vineet Kumar-a’n a dawng dawn a ni. Champhai District Police chuan an hnathawh ECI in a hriatpuinaah lawmthu an sawi a ni.