Health & Family Welfare Board Vice Chairman Dr. ZR Thiamsanga’n Champhai District Hospital-a a thlawna inentirna a buatsaihah ni 2 chhungin dam lo 342-te hriselna a endik.
Champhai North bialtu MLA Dr. ZR Thiamsanga hian Nilaini atang khan Champhai District Hospital-ah a thlawna inentirna hun a buatsaih a, a thlawna inentirna hun hi a tirah ni khat chauh nei turin ruahman mahse naupai leh hmeichhe lama harsatna nei in entir tur an tam em avangin ni khat dang a pawhsei belh a, a ni khatnaa-ah OPD card la chhuak mi 260 awmin mi 187-te a en hmanin zan dar 8:00 thlengin OPD-ah a thu a, nimin khan chhunzawm lehin zan dar 11:00-ah zo felin mi 187-te a en hman a, ni hnih chhung hian mi 342-te hriselna a thlawnin a endik sak a; chhul ziah ngai leh zai ngai mi eng emaw zat a zai nghal bawk a, a theih ang angin damdawi a thlawna sem a ni bawk.
Hei bakah hian District Hospital-a kal remchang thei lo mi 20 chuangin tukin khan a thlenna hmunah an pan leh bawk a, Aizawla pana a haw dawn Helipad thlengin damlo-in an la pan a ni.