Champhai Forest Division hnuaia Wildlife Protection Squad-in an man Sarep thahnem tak chu vawiin khan Champhai District Honorary Wildlife warden Pu Lalhlupuia’n a halral
Vawiin khan Champhai Forest Division hnuaia Wildlife Protection Squad-te’n an man, Sanghal Sarep kg 13, Thehlei 2 leh Sava chi hrang hrang 13-te chu DFO Complex-ah Champhai District Honorary Wildlife warden Pu Lalhlupuia’n a halral a; Kumin October ni 1 atanga vawiin November ni 11 chhung khan Champhai Forest Division hnuaia hnathawktute’n nungcha tihhlumna, dan lova thing kihna hmanrua leh Silai leh a mu engemawzat an man a, Tualchher ulhbun 12, Ulhbun SBBL 7 leh a mu 15, Air Gun 12 leh a mu Box 5 an man a. Heng bakah hian Sazuk 1, Khuaino Kg 20, Thingzaina khawl 5 an man bawk a, heng an thil man neitute hi dan anga thubuai siamsak an ni.