Kum 2023 chhunga Child Welfare Committee champhai thubuai ngaihtuah zinga tam ber chu hur sualna lam hawia naupang kum tling lo khuaikhem thubuai a ni a; Naupang 48 Home-ah dah luh an ni.
Child Welfare Committee champhai chuan kum 2023 chhung khan nuapang a bika enkawl leh venhim ngai thubuai 40 an ngaihtuah a, heng zinga tam ber chu hur sualna lam hawia naupang kum tling lo khuaikhem niin thu buai 17 ngaituah a ni. Nu leh pa fate ngaihthah thubuai 4, nu leh pa fate kutthlak ching thubuai 3 ngaihtuah a ni bawk a, thubuai ngaihtuah tura chhawp chhuah 40 te hi chinfel vek niin naupang 20-te Home-ah dah luh an ni.
Nikum 2023 chhung khan Juvenile Justice Board Champhai chuan naupang dan kalha che thu buai 28 an ngaihtuah ve bawk a, thu buai ngaihtuah zinga tam ber chu rukruk thubuai niin thu buai 10 ngaihtuah a ni a, ruihhlo tawlha inhnamhnawih tir naupang kum tling lo thu buai ND&PS Act, 9 ngaituah a ni bawk a, thubuai ngaihtuah zinga 26 chu chinfel niin naupang 28-te Home-ah dah luh an ni bawk.
Kum 2023 July thla atangin Champhaiah Child Helpline hawn thar a ni a, Phone No. 1098-ah naupang harsatna nei an awm chuan biak pawh theih an ni.
2023 chhung khan Champhai District Child Protection Unit chuan Awareness Programme tum 16 leh Capacity building leh Sensitization programme tum 12 an huaihawt thei a ni.