Child Welfare Committee Khawzawl District-in tun hnaia Siamsiami Pachuau leh hmeichhe naupang kum tling lo live video chu Social media atanga nawt reh turin an ngen
Tun hnaia Social Media hrang hrang -a hmeichhe naupang pakhat leh Siamsiami Pachuau Live video darh chungchangah naupang kum tling lo pakhatin kawng hrang hranga sawiselna leh diriamna tawngkam a tawk nasa tih hriat a ni a. Hei hi Child Welfare Committee (CWC) Khawzawl District chuan pawi a ti hle tih an sawi a.
Naupang kum tling lo te hi danin a humhalh tlat avangin an chungchang Social Media lama sawi leh thehdarh chungchangah fimkhur a tul hle tih sawiin Section 74 of Juvenile Justice (Care and Protection of Children) Act, 2021 bawhchhiatna a thlen loh nan danin phalna a pekte chauh lo chuan Social Media-a naupang kaihhnawih thil, a tha lo zawnga post leh comment tawh lo turin mitinte an ngen a; lo post darh tawhte pawhin lo paih leh vek turin an ngen a ni.
Child Welfare Committee Khawzawl District chuan tunah hian hmeichhe naupang hi mithiamte kaihhruaina hnuaiah Counselling pe-a enkawl mek a nih thu sawiin nunphung pangngai a rawn zawh chhoh leh huna a rilru tina leh hliamtu a awm zui loh nan he live video lo thehdarh tawh zawng zawngte pawh lo paih(delete) leh vek turin an ngen bawk a ni.