Chief Minister Lalduhoma’n sawrkarin Mizoram Education Service siam a tum thu a sawi.
Vawiin khan Chief Minister Lalduhoma chuan Assembly House CM Recess Roomah Mizoram College Teachers’ Association hruaitute a kawmnaah Chief Minister hian, sawrkarin Mizoram Education Service siam a tum thu leh an thil thlen te chu mithiam zawkte nena an lo zirchian tur thu a hrilh a ni.
MCTA hruaitute hian sawrkar thar chibai buk pahin an pawl inkhawmpuiin a lo rel tawh thil pawimawhte Chief Minister hnenah an thlen a. Ram mamawh mila UGC dan ang thlapa zirtirtu lak (direct recruitment) zel tha an tih thu thlenin zirtirtu chi hrang tam lutuk chu tha lo va an hriat thu leh hei hian higher education quality a tichhia nia an ngaih thu an sawi a. Thalai lehkhathiam ber ber te’n college zirtirtu nih an chak loh phah deuh ni-a an ngaih thu te an saw a. Heng bakah hian an kaisanna thil te, an zinga senior deuh te department lama awm ve tha an tih thu te, pension an tam avanga zirtirtu lak belh a tul thute leh thil dang te an an thlen a ni.