Champhai Vengsang-a cheng Pu Lalthansanga, chin hriat lohva bo chu vawiin atangin SYMA Champhai kaihhruaina hnuaiah zawn tan a ni.
Champhai Vengsang YMA hruaitute hnen atanga thudawn danin Pu Lalthansanga (52) hi tunkar Thawhtanni chaw eikham khan a chhuak a. Champhai leh Ngaizawl inkar, Vawngzawl vel chu a chin an hriatna hnuhnung ber a ni a. Hemi hnu hian a chhungte chuan zawngin an hmuh mai theih loh hnuah YMA an pun a, vawiin atangin khawtlangin a zawn hna an thawk tan ta a ni.
Vawiin khan Champhaia YMA Branch hrang hrang: Vengthlang, Kahrawt, Venglai, Kanan, Chhungte leh Tuipui bakah mi tlawmngai ten an zawng a. Vawiina an la hmuh loh chuan naktukah Branch dangin an chhawk ang a, zawn danah hian ruahmman siam thar zel tura tih a ni bawk.
Pu Lalthansanga awmna chin hria chuan Champhai Vensang YMA hruaitute hnenah emaw Police Station-ah emaw hriattir turin YMA hruaitute chuan mipui an ngen a ni.