Vawiin khan Champhai Thalai te chuan Champhai chawmtu Tuipui hnar – Keilungliah fintu lui-te hnatlangin an ti fai.
Hnatlang hmingah hian Save Champhai vuah niin April ni 20 khan thianho-in bul tanin Tuipui hnar hi an ti faii a, April ni 27 khan an chhunzawm leh a, a thawh thumna vawiin hian Champhai thalai 100 chuang an thawk chhuak a ni.
Hnatlanga thawk chhuakte hian Keilungliah lui khuah fintu kawr te, hun engemaw chen bawlhhlawh paihna atana phal lohna hmuna paih bawlhhlawhte an fifai a. Bawhhlawh an chhar zingah tawih ral thei lo Palstic a tam ber a, thil eina kawr leh diaper bakah hmeichhe lam thil a tam hle niin hnatlanga thawk chhuakte chuan an sawi.
Bawlhhlawh an chhar khawmte hi bawlhlawh paihna tura siam-ah an paih a, Bawlhhlawh hi a thathnem em avangin hun remchang dangah kalpui chhunzawm leh an tum a ni.
Save Champhai hnatlang hi instagram account pakhat Champhai insta huaihawt niin hnatlangte eitur, t-shirt leh lukhum, bawlhhlawh paihna lirthei leh kutkawr tumsaktute chungah lawmthu an sawi a ni.