Nimin final inkhelah hian Kahrawt FC leh SMFC Khuangleng an inhmachhawn a, inkhelh tan atanga Min 2-na lekah Kahrawt tan Chhanrinpianga’n goal a thun nghal a, Min 16-naah Khuanglengin Penalty hmu-in Vanlalawia’n an sihphurh a sut a, Min 35-naah Lalrinawma hmangin Kahrawtin an goal 2-na an khung a, Min 42-naah Lalfamkima’n an goal 3-na a khung zui leh a; Ist Half-ah goal dang a luh belh lo. 2nd Half Min 52-naah Khuanglengin Lalhruaisanga hmangin an sihphurh sut then mah se, Min 60-maah Lalfamkima’n Kahrawt goal 4-na a khung a, Min 65-na leh Min 73-naah PC Lalruatsanga’n goal a khung zui ve leh a, Khuangleng tan thawh leh ngaihna awm tawh lo. Kahrawt tan Min 79 leh 80-ah Lalfamkima’n goal khung lehin Kahrawt hian 8-2 a hnehna changin an champion ta a ni.
Kahrawt Player Chhanrinpianga chu Best player-ah thlan a ni a, Goal 16 khungtu Lalfamkima top scorer niin Kahrawt hian Fairplay award an dawng bawk a ni.