Champhai Police-in darkar 12 chhungin ruihhlo cheng 17092000 hu an man.
Champhai Police te hian nimin khan Champhai Police Checkgate, Chalbawia Junction, Khankawnah lirthei pahnih atangin methamphetamine leh herion an man a.
Methampatamine hi Car pakhat Aizawl pan tur an endik atanga man niin lirthei hnuaia ruihhlo phurhna tura siam chawpah dah niin Methamphetamine fun 10, Kg 11 leh gram 8 a rit, mum 101000 an man a. Cheng 15340000 hu a ni.
Ruihhlo neitua puh, lirthei khalhtu Malsawmsanga, Zokhawthara cheng nia inchhal chu an man a.
Nimin vek khan Champhai Police te hian Khankawn checkgate-ah Aizawl pan tur mimal lirthei kawngkhar leh Woofer-a thuhruk herion hawng 53, gram 584 a rit, Cheng 1752000 hu an man bawk a. A neitua puh leh lirthei khalhtu Lalchamliana, Zokhawthara cheng nia inchhal chu an man tel bawk a ni.
Ruihhlo neitua puh mi pahnihte hi ND&PS Act hmanga thubuai siamsak a ni.