Kumin chhungin Champhai Police-in dan loa tawlh ruk Kuhva ro ip 1807 an man tawh.
Champhai Police-te hian Kumin January ni 1 atanga vawiin thlengin Myanmar atanga dan loa tawlh ruk Kuhva ro ip 1807 an man tawh a, heng kuhva rah an man te hi Kg 1,25,740 a ni a, Kuhva rah hring ip 45, Kg 80 ip panga leh Kg 40 ip pali an man bawk a; heng kuhva rah an man te hi dan anga hmalak zui turin Custom Preventive Force, Champhai kutah an hlan vek a ni. Tun hma angin Kuhvarah hi Myammar atangin lut tam lo mah se, Police leh Assam Rifles-te chuan a khat tawkin an hla man deuh reng a ni.
March thla chhung khan Champhai Police-te chuan thubuai 28 ziak lutin thu buai ziah luh zinga tam ber chu ND&PS Act tlawhchhana ziah luh niin thu buai 10 ziah luh a ni a, Heroin Gram 619, Methaphetamine Kg 1 leh Gram 74 bakah Ganja Kg 22 an man a, MLP Act hnuaiah thubuai 4 ziak lutin Beer case 100, Korean zu Soju case 50, BEDC litre 40 an man bawk a; Rukruk thubuai 10, mi kut thlak thubuai leh POSCO Act hnuaiah thubuai 2 ve ve ziah ziak lutin MV Act hnuaiah leh Vantlang thil tih chhiah thubuai 1 ve ve an ziak lut bawk a ni.