Tukin dar 7:00 khan Champhai Police Check gate, Chalbawi-a Junction patlang tur lirthei an endik a, Champhai to Aizawl maxi Cab Service pakhata Air Ba pathuma dah thuhruk Heroin Hawng 110, Kg 1 leh Gram 385 a rit leh a neitua puh Hau-enga, Hmunlai Myanmar ni-a insawi hnen atangin an man a; a neitua puh hi ND&PS Act hnuaiah thubuai siamsak niin vawiin khan champhai District Court-ah hruai a ni a, Lung inah khung nghal a ni.
Champhai Police-te Heroin man hi Cheng 4,155,000 hu a ni a; kumin chhunga Champhai Police-in tum khata Heroin an man tam ber tum a ni a; Commercial Quantity a tlin phak avangin an neitua puh hi court-in thiam loh a chantir a nih chuan kum 10 aia tlem lo lung in tang tura hrem theih a ni.