Vawiina Assembly House-a thu a sawinaah Champhai North bialtu MLA Pu H Ginzalala chuan a bial chhungah Chawhchhi tam tak thar chhuah a nih thu sawiin Sorkarin thlai thar leina tur ruahmanna a siam a, a bial chhunga Chhawhchhi chingtute thar chhuah chu a rang thei ang bera a lei theih dan tur ngaihtuahsak turin House a ngen a ni.
Pu H Ginzalala chuan mi zawng zawng lenna leh huapzo sorkar, Mipui sorkar din a ni tur leh inrelbawlnaa khua leh tuite an tel ve tur chu lawmawm a tih thu a sawi a, kut hnathawktute tana budget dah ni ngai lo sorkar thara dah a ni tur chu kalphung thar dik tak a nih thu sawiin hmasawnna turin agriculture sector bakah Service sector ngaihpawimawh a tul thu a sawi bawk.