Rev Chinzapauva Momorial Inter Village Football Tournament chu vawiin khan Semfinal khelh zawh niin Venglai leh New Champhaiin final an inhlangkai.
VENGLAI 1-0 ZOKHAWTHAR
Semifnal hmasa zawkah Venglai leh Zokhawthar inkhelin Venglaiin inkhel bul tan tha zawkin Min 13-na leh Min 16-naah goal khung theihna hun tha an neihte an hmang tangkai thei lo a, Zokhawtharin pawhin chance in siam mah se, an khung thei bik chuang lo. Ist half-ah goal a lut lo a. 2nd Half-ah ruah a sur a, Zokhawthar keeper Lalchhuanpuia’n Lalremmuana shot vawi hnih a man beh zawh loh chu Venglaiin uiawm takin an hlah ve ve. Min 65-naah K Lalruatdika ball cross chu Zokhawthar defenfer-te’n lo tauh chhuah mah se, Lalchhanhima Sailo-in mawi takin a volley goal-a, Venglai goal khatna a khung. He mi hnu hian Zokhawthar lamin an siphurh sut theihna hun tha tum 2 neiin Zopara’n uiawm takin a hlah a, goal kham an pet per bawk. Hun tawp thlenga goal luh belh loin Lalchhanhima goal hlu tak khung hi Venglai hian chak puiin Kum 2014 hnuah a vawikhatna atan Veng leh veng inelnaah final an lut leh ta a ni. He inkhelah hian Venglai chakna goal khungtu Lalchhanhima Sailo chu man of the Match-ah thlan a ni.
NEW CHAMPHAI 3-1 VENGTHLANG NORTH
Semifnal hnuhnung zawkah Vengthlang North leh New Champhai inkhelin Vengthlang North-in bul an tan tha zawk a, Min 15-naah goal khung mah se, Offside avangin pawm sak an ni lo. Min 36-naah New Champhaiin Corner Kick an hmu a, he ta tanga ball kal hi Vengthlang North lamin an pet chhuak tha tawk lo a, buai nuaih nuaih karah C Lallawmsanga hmaah tak ball chhuakin goal pawimawh khung thei C Lallawmsanga’n chiang zetin goal-ah a pet lut a, New Champhai goal khatna a khung a; Ist half-ah goal dang a luh belh lo. Min 63-naah Malsawmdawnga ball pek luh tha zet um luttu C Lallawmsanga’n goal-ah a pet a, Quarterfinal-a man of the Match-a thlan Vengthlang North keeper Ruatsanga a che sual a, ho takin a man bet zo lo a, he mi per hi John Kenty-a’n pet goal-in New Champhai goal 2-na a khung.
Vengthlang North-in an siphurh sut tumin an nawr a, Min 73-naah Dawngtea ball cross tha zet chu Lalrema’n chiang zetin goal-ah a tauh lut a, Vengthlang North siphurh a sut then. Vengthlang North-in nawr chhunzawm mah se, Min 76-naah New Champhai Goal kick chhuah chu Malsawmdawnga’n tauh pialin, C Lallawmsanga’n chak zeta um lutin New Champhai goal thumna a khung. Vengthlang North-in goal khung theihna hun tha neiin C Lalmuanawma’n goal kham a tauh per; he mi hnu hian Vengthlang North lamin goal khung theihna hun tha an neih an hmang tangkai thei lo zui bawk a, hun tawp thlenga goal dang luh belh loin New Champhai hian 3-1 a hnehna changin a vawi khatna atan veng leh veng in elnaah final an lut ta a ni. He inkhelah hian New Champhai tana goal 2 khunga goal 1 dang thawkchhuaktu C Lallawmsanga chu man of the match-ah thlan a ni.