Nimin August ni 6 khan CDFA Independence Day Football Tournament chu Chhangphut Field-ah khelh chhunzawm leh a ni.
Inkhel hmasa zawkah Bethel leh Super United Hnahlan inkhelin Inkhel tan atanga min 4-na lekah Bethel FC tan R Lalnunzira’n goal hmahruai a khung a, Min 20-naah Chingoliana’n an goal hnihna a thun zui leh a; Ist half-ah goal dang a luh belh lo. 2nd Half Min 61-naah Malsawmhlua’n Super United siphurh sut then mah se, goal dang luh belh loin Bethel FC hian 2-1 in hnehna an chang ta a ni.
Inkhel vawihnihnaah Vengthlang SC leh TMFC Melbuk an inkhel a; inkhel hmuhnawm takah hian goal a lut har hle a, he inkhela goal hmasa ber hi min 90-naah Melbuk taka Lalsawmzela khunga ni a, Melbuk an chak mai dawna ngaih a nih hnu Min 94-naah Malsawmsanga’n Vengthlang siphurh a sut a, team pahnihte hian point khat ve ve hlawh chhuakin an inhneh tawk ta a ni.