CHAMPHAI DISTRICT INTER VILLAGE FOOTBALL TOURNAMENT QUARTERFINAL
Rev Chinvapauva Memorial Inter Village Football Tournament chu vawiin atangin Quarterfinal khelh a ni a, Zokhawthar leh New Champhai-in Semfinal an lut.
ZOKHAWTHAR 2-0 MELBUK
Quarterfinal Match hmasa berah Zokhawthar Zone Derby hmuhnawm takah Zokhawtharin Inter Village Champion lai Melbuk Si 2 faiin an hneh a, Team pahnihte hi Kum 2022 Inter Village Football Tournament-ah in khelh tawhin Melbuk-in hnehna changin an champion zui a, kum 2 liam hnuah Zokhawthar hian phuba an la ta a ni. He inkhelah hian goal a lut har hle a, Ist half tawp dawn Min 44-naah Zokhawthar Keeper Lalchhuanpuia ball pet chhuah chu Lalengliana’n um lutin mawi taka keeper pet khumin Zokhawthar goal khatna a khung. 2nd Half Min 58-naah C Mama ball pek luh tha zet chu Lalengliana’n pet goalin Zokhawthar goal hnihna leh a ma goal hnihna a khung. Melbuk hian an siphurh sut theihna hun tha an neihte an hmang tangkai thei lo a, Zokhawthar lam pawhin goal khung belh theihna hun tha an neihte an hmang tangkai thei tawh lo bawk a, hun tawp thlenga goal dang luh belh loin Zokhawthar hian Quarterfinal an inhlangkai ta a ni.
NEW CHAMPHAI 1-0 DILKAWN
Quarterfinal match hnihnaah New Champhai leh Dilkawn an inkhel a, Min 30-naah New Champhai Defender Mampuia’n ball a vawrh lut a, Dilkawn defender lamin off side trap an siam sual karah Lallawmsanga rawn dawk zawkin Dilkawn keeper Zosanga a paltlang hnuah angle zim tak atangin goal mawi bik a khung a, New Champhai hma a hruaipui a, Ist Half-ah New Champhaiin game thunun zawk mah se, goal an thun belh thei bik lo. 2nd Half-ah Dilkawnin bul tan tha zawkin game an thunun zawk a, goal khung theihna hun tha an insiam te erawh chu an hmang tangkai thei lo thung. Dilkawn hian nawr bet zawk mah se, an mahmawh ber goal an khung thei lo a. New Champhai pawhin goal kham vawi 1 an tih per a, hun tawp thlenga goal dang luh belh loin New Champhai hian si 1 faia hnehna changin Semfinal an inhlangkai ta a ni.
Naktukah Quarterfinal thawhhnihna khelh a ni ang a, dar 12:00-ah Venglai leh Kanan an inkhel ang a, dar 2:30-ah Vengthlang leh Kahrawt an inkhel bawk ang.