Champhai District FA buatsaih R.Lalngaihsanga Memorial Inter Zone Football Championship -2024 chu vawiin khan Hnahlan Khelmualah khelh tan a ni.
Vawiin inkhel hmasa berah a thlengtu Hnahlan Zone FA I -in Khuangleng Zone FA an in hmachhawn a, inkhel tan atanga min 6-na lekah Hnahlan-in Rosangkima hmangin goal an khung nghal a, Min 22-naah Ramengmawia’n an goal 2-na a khung zui bawk. Min 40-naah Vanlalawia’n Penalty atangin Khuangleng siphurh a sut then a, Min 57-naah Malsawmhlua hmangin Khuanglengin an siphurh an sut zo. Ist Half-ah goal dang a luh belh lo.
2nd half Min 52-naah MS Dawngliana hmaingin Hnahlanin an goal thumna an khung a, Min 55-naah Vanlalkima’n Khuangleng siphurh a sut ve nghal, goal dang a luh belh lawk loh hnuah Min 88-naah MS Dawngliana Hnahlan goal 4-na leh ama goal 2-na a khung a, hun tawp thlenga goal dang luh belh loin Hnahlan zone I hian 4-3 in hnehna an chang ta a ni.
Inkhel vawi 2-naah Zokhawthar Zone leh Hnahlan Zone II an in khel a, Inkhel tan atanga Min 4-na lekah Zokhawthar tan Lalengkima’n hmahruaina goal a khung a, Min 8-naah C Lalmuanpuia’n an goal 2-na a khung zui leh a, Min 26-naah Vanlalauva hmangin Hnahlan zone II-in an siphurh sut then mah se, Lalnunmawia’n min 65-naah Zokhawthar goal 3-na khungin Min 81-naah C Vanlalpuia’n an goal 4-na khung leh a, Zokhawthar Zone hian 4-1 in hnehna an chang ta a ni.
Naktukah match hnih khelh a ni ang a, Khuangleng Zone leh Farkawn Zone, Hnahlan Zone II leh Khawbung zone an inkhel dawn a ni.
R. Lalngaihsanga Memerial Inter Zone Football Championship-ah hian Zone hrang hrang Farkawn Zone, Khawbung Zone, Khuangleng Zone, Hnahlan Zone leh Zokhawthar zone te an inlan kim thei dawn a, a thlengtu Hnahlan zone-in team 2 an thawh a; Graoup A-ah Hnahlan Zone Team-I, Khuangleng Zone leh Farkawn Zone te an awm a.Group B-ah Zokhawthar Zone,Hnahlan Zone Team-II leh Khawbung Zone te an awm a ni.