Vawiin khan Repuplic Day Football Tournament Quarterfinal khelh zawh niin CDFA Cup Match khat khel a ni.
CDFA Republic Day 2nd Div. Football Tournament Quarterfinal
KAHRAWT FC 6-0 ZOTLANG FC
Vawiin khan Quarterfinal thawh hnihna khelh niin inkhel hmasa zawkah Kahrawt FC leh Zotlang FC an inkhel a, Kahrawt FC hian si 6 faiin hnehna an chang a, Inkhelh tan atanga min 13-naah Zotlang Player-in an lamah a ti lut palh a, Min 23-naah Kahrawt goal hnihna hi Lalfamkima’n a thun a, Min 28-naah PC Lalruatsanga’n an goal 3-na khungin Min 43-naah Lalfamkima’n ama goal 2-na leh Kahrawt goal 4-na a khung a, Ist Half-ah goal dang a luh belh lo.
2nf Half-ah goal a lut lawk lo a Zotlang lam tangkhawng viau mah se, Min 90-naah Chhanrinpianga’n Kahrawt goal 5-na khungin Min 92-naah PC Lalruatsanga’n ama goal 2-na leh Kahrawt goal 6-na a khung a, hun tawp zuiin Kahrawt FC hian Semfinal an inhlangkai ta a ni.
SMFC KHUANGLENG 6-3 VENGSANG FC
Quarterfinal Match hnuhnung berah SMFC Khuanglengin 6-3 in Vengsang FC an hneh a, Vengsang in goal khung hmasain Min 15-naah Lalremsanga’n an hmahruaina a khung a, Min 32-naah Remruatfela’n an goal hnihna a khung bawk, Khuangleng tan Vanlalkima’n min 43-naah an siphurh a sut then a, Min 52-naah Remruatfela bawkin goal khungin Vengsang-in 3-1 in hma an hruai a; SMFC Khuangleng-in chak ngei tumin an theihna an lantir a, Min 55-naah Vanlalawia’n an siphurh a sut then a, Min 63-naah Lalfakzuala’n Khuangleng siphur a sut zo. Khuangleng an phur telh telh a, Vengsang an tho chhuak thei tawh lo. Min 67-naah Vanlalawia’n ama goal 2-na khungin Khuangleng hma a hruaipui a, Min 75-naah Vengsangin an lamah an tigoal palh a, Min 90-naah Vanlalawia’n a goal thumna khungin hun a tawp zui a, SMFC Khuangleng hian 6-3 a hnehna changin Semfinal an inhlangkai ta a ni.
CDFA Cup 2024
BETHEL FC 3-2 KANAN FC
Vawiinah hian CDFA Cup, Ist Div. Club te tana inelna match khat khelh niin Kanan FC leh Bethel FC an inhmachhawn a, inkhelh tan atanga Min 10-na lekah R Lalnunzira’n Bethel goal 1-na khungin Min 12-naah Jessy Lalmawizuala’n Bethel goal 2-na a khung zui nghal a, Min 17-naah Lalnunsanga’n Kanan siphur sut then mah se, Min 45-naah Lalnunzira Sailo-in Bethel goal 3-na a khung a; Kanan FC-in Min 48-naah Thangrothuama hmangin an siphurh sut then mah se, hun tawp thlengin Bethel FC an tangkhawng thei a, goal dang luh belh loin Bethel FC hian 3-2 in hnehna an chang ta a ni.
Republic Day Football Tournament Semfinal hi Thawhlehni-ah khelh a ni ang.
Dar 10:00 Kahrawt FC vs Electric Veng FC
Dar 12:15 SMFC Khuangleng vs FC Vengthlang North
Thawhtanni CDFA Cup
Dar 10:00 New Champhai FC vs TMFC Melbuk
Dar 12:15 Vengthlang FC vs Kanan FC
Dawr 2:30 Vengthar FC vs Bethel FC