KANAN FC 4-0 VENGTHAR FC
Vawiin inkhel hmasa berah Kanan FC-in Si 4 faiin Vengthar FC an hneh a, Min 12-naah Lalmuankima’n Kanan goal 1-na khungin Min 21-naah Lalrammawia’n an goal 2-na a khung a, Min 55-na leh Min 75-naah Lalnunsanga’n goal a khung bawk a ni.
TMFC MELBUK 5-3 VENGTHLANG FC
Inkhel vawihnihna inkhel hmuhnawm takah TMFC Melbuk-in 5-3 in Vengthlang FC an hneh a, Inkhelh tan atanga Min 7-na lekah Vengthlangin Penalty hmuin Lalrothlanga’n goal-ah a chantir a, Melbuk tan Min 14-naah Vanlalfela’n an siphurh a sut a, Melbuk-in Min 17-naah Penalty atangin Lalsawmzela hmangin an goal 2-na an khung a, Min 37-naah Lalramnunmawia’n Memlbuk goal 3-na a khung a; Ist Half-ah Melbuk-in 3-1 in hma an hruai a; 2nd Half Min 53-naah Lalrothlanga Vengthlang siphurh a sut then a, Min 65-naah Penalty atangin Isaac Lalrinngheta’n Vengthlang siphurh a rul zo. Min 70-naah Melbuk-in Penalty hmu ve lehin Lallawmsanga’n a pet goal a, Min 86-naah C Ramnunpuia’n Melbuk goal 5-na khungin TMFC Melbuk hian hnehna an chang ta a ni.
BETHEL FC 4-2 NEW CHAMPHAI FC
Inkhel hnuhnung berah Bethel FC in 4-2 in New Champhai an hneh a, Inkhelh tan tanga Min 2-na lekah Zoramsanga hmangin New Champhaiin goal an khung nghal a, Bethel FC tan Min 16-naah R Lalnunzira’n an siphurh a sut a, Ist Half-ah goal dang a luh belh lo, 2nd Half -ah goal a lut har hle a, Min 84-naah Jessie Lalmawizuala’n Bethel goal 2-na khungin Min 89-naah Malsawmtluanga’n an goal 3-na a khung zui a, Min 93-naah F Malsawmzuala’n New Champhai siphurh sut then mah se, Min 94-naah C Ngurnuntluanga’n Bethel goal 4-na khungin hun a tawp zui a, Bethel FC hian hnehna an chang ta a ni.
Naktuk-ah Match 3 khelh leh a ni ang
Dar 10:00 Bethel FC vs Vengthlang FC
Dar 12:15 New Champhai FC vs Vengthar FC
Dar 2:30 TMFC Melbuk vs Kanan FC
Kanan FC, TMFC Melbuk, Bethel FC-te hi final la lut thei vek an ni a, Vengthlang FC, Vengthar FC leh New Champhai te chu 2nd Div lama la thlei dinhmunah an la ding vek bawk a ni.