CDFA buatsaih Republic Day 2nd Div. Football Tournament Quarterfinal chu vawiin atangin khelh tan a ni.
Tuipui FC 3-3 Electric Veng FC (Electric Veng FC 5-4 Tuipui FC)
Vawiin hian Quarterfinal match hnih khelh niin inkhel hmasa zawkah Tuipui FC leh Electric Veng FC an inkhel a, Inkhelh tan atanga Min 11-na lekah Lalnunhlua hmangin Electric Veng-in hma an hruai nghal a, Min 29-naah PC Lalengmawia’n Tuipui siphurh a sut a, Min 38-naah Electric Veng player Rempuia’n an lama ti-goal palhin Tuipuiin 2-1 in hma an hruai a, Ist Half-ah goal dang a luh belh lo.
2nd Half Min 68-naah Lalpekzuala hmangin Electric Veng-in an siphurh an sut a, Min 83-naah PC Lalengmawia’m Tuipui goal 3-na leh ama goal 2-na khungin hma a hruaipui leh a, Min 86-naah Electric Veng tan JH Remlala’n an siphurh a sut ve leh a, hun tawp thlengin goal dang a luh belh lo a, hun pek belh-ah pawh team pahnihte’n goal an khung belh theih loh avangin penalty shootout hmanga chak zawk zawn niin mi 9 ve ve-in an pet hnuah Electric Veng FC hian 5-4 a vanneihna changin Semifinal an lut ta a ni.
FC Vengthlang North 3-1 Venglai FC
Inkhel vawihnihnaah FC Vengthlang North leh Venglai FC an inkhel a, Min 30-naa Vanlalmalsawma goal khung hmangin Venglai FC-in hma an hruai a, Ist Half-ah goal dang a luh belh lo a,2nd Half-ah Vengthlang North rawn insiam thain Thlamuanpuia’n Min 52-naah an siphurh a sut a, Min 68-naah goal khung lehin Vengthlang North hma a hruaipui a, Min 87-naah Lalmuanawma’n Vengthlang North goal 3-na khung FC Vengthlang North hian 3-1 a hnehna changin Semfinal an lut ve bawk a ni.
TMFC Melbuk 3-0 Vengthar FC
Vawiin hian Ist Div Club-te tana buatsaih CDFA Cup match khat khelh niin TMFC Melbukin si 3 faiin Vengthar FC an hneh a, TMFC Melbuk tan Lalramnunmawia’n Min 9-na leh min 33-naah goal khungin Lallawmtluanga’n min 43-naah goak a khung ve bawk.
Naktukah Republic Day 2nd Div. Football Tournament Quarterfinal khelh chhunzawm leh a ni ang a, Kahrawt FC leh Zotlang FC, Vengsang FC leh SMFC Khuangleng te’n Semfinal luh an inchuh ang a, CDFA Cup-ah Kanan FC leh Bethel FC an inkhel bawk ang.