Nimin tlai khan Champhaia lirthei chetsualna avangin mi pakhatin nunna a chan.
Champhai Police te chhinchhiah danin nimin tlai dar 5:30 vel khan National Highway No 6, Zotlang leh Ruantlang inpawhna lai, Champhai atanga km 5 vela hlaah two wheeler pahnih an insu a.
Scooter khalhtu C.Lalhminghlua (23), Ruantlang chuan a hmunah nunna a chan a, insutnaa tel bike (KTM) a chuang mi pahnihte leh scooter hnunga chuang mi pakhatte chuan hliam tenau an tuar a ni.
He chetsualna thlengah hian bike khalhtu hian zurui chungin lirthei a khalh tih endikna atanga hmuh chhuah a ni a. Police te chhuichianna atangin bike khalhtu zawk hi a thiam lovah ngaiin Champhai Police Station-ah thubuai ziahluh nghal a ni.